ಲಖನೌ: ಪತ್ನಿಯ ಆರನೇ ಹೆರಿಗೆಗೆ ಸಂಬಂಧಿಸಿದ ಖಾಸಗಿ ಆಸ್ಪತ್ರೆ ಬಿಲ್ಲು ಕಟ್ಟಲಾಗದ ಕಾರ್ಮಿಕನೊಬ್ಬ ತನ್ನ ಮಗುವನ್ನೇ ಮಾರಲು ಮುಂದಾದ ಪ್ರಸಂಗ ಉತ್ತರಪ್ರದೇಶದ ಬರ್ವಾಬಟ್ಟಿ ಪ್ರದೇಶದಲ್ಲಿ ಬೆಳಕಿಗೆ ಬಂದಿದೆ.

ಇನ್ನಷ್ಟು ಸುದ್ದಿಗಳಿಗಾಗಿ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಸೇರಲು ಈ ಲಿಂಕ್ ಬಳಸಿ: https://t.me/dcgkannada

ಹೌದು, ಪತಿ ಹ್ಯಾರೀಸ್ ಪಟೇಲ್‌ಗೆ ತನ್ನ ಪತ್ನಿ ಖಾಸಗಿ ಆಸ್ಪತ್ರೆಯಲ್ಲಿ 6ನೇ ಮಗುವನ್ನು ಹೆತ್ತಾಗ ಆಸ್ಪತ್ರೆಯ ಚಿಕಿತ್ಸಾ ಶುಲ್ಕ ಕಟ್ಟಲು ಸಾಧ್ಯವಾಗಲಿಲ್ಲ. ಹೀಗಾಗಿ ತಾಯಿ ಹಾಗೂ ನವಜಾತ ಶಿಶುವನ್ನು ಆಸ್ಪತ್ರೆಯಿಂದ ಹೊರಗೊಯ್ಯಲು ಸಿಬ್ಬಂದಿ ಅವಕಾಶ ನೀಡಲಿಲ್ಲ.

ಈ ಸಂದರ್ಭದಲ್ಲಿ ಯಾರೋ ಹೇಳಿದ ಮಾತಿನಂತೆ ಮಧ್ಯವರ್ತಿಯನ್ನು ಸಂಪರ್ಕಿಸಿ ಮೂರು ವರ್ಷದ ಮಗನನ್ನು ಮಾರಲು ಹ್ಯಾರೀಸ್ ಪಟೇಲ್ ಮುಂದಾಗಿದ್ದಾನೆ.

ಈ ವಿಷಯ ತಿಳಿದು ಆಸ್ಪತ್ರೆಗೆ ಬಂದ ಪೊಲೀಸರು, ಮಧ್ಯವರ್ತಿ ಅಮರೀಜ್ ಯಾದವ್, ಮಗುವನ್ನು ದತ್ತು ಪಡೆಯಲು ಯತ್ನಿಸಿದ ದಂಪತಿ ಬೋಳ ಯಾದವ್- ಕಲಾವತಿ, ನಕಲಿ ವೈದ್ಯೆ ತಾರಾ ಕುಶವಾಹ ಹಾಗೂ ಆಸ್ಪತ್ರೆಯ ಸಹಾಯಕಿ ಸುಕಾಂತಿ ಎಂಬ ಐವರನ್ನು ಬಂಧಿಸಿದ್ದಾರೆ.

ಇದನ್ನೂ ಓದಿ: Suicide: ಬಂಧನ ಭೀತಿ, ಮನನೊಂದು ಬಾಲಕ ಆತ್ಮಹತ್ಯೆ

ಒಟ್ಟಾರೆ, ಈ ಪ್ರಕರಣದಲ್ಲಿ ಪತಿ ಹ್ಯಾರೀಸ್ ಪಟೇಲ್ ಸೇರಿದಂತೆ ಐವರನ್ನು ಬಂಧಿಸಲಾಗಿದೆ.