ಮುದ್ದೇಬಿಹಾಳ : ತಾಲ್ಲೂಕಿನ ನಾಲತವಾಡ ಪಟ್ಟಣ ಪಂಚಾಯಿತಿ ಎರಡನೇ ಅವಧಿ ಅಧ್ಯಕ್ಷ ಸ್ಥಾನಕ್ಕೆ ಮೀಸಲಾಗಿದ್ದ ಸಾಮಾನ್ಯ ಮಹಿಳೆ ಸ್ಥಾನಕ್ಕೆ ಲಲಿತಾ ಮುತ್ತುಗೌಡ ಗೊರೆಬಾಳ ಮಂಗಳವಾರ ನಡೆದ ಚುನಾವಣೆಯಲ್ಲಿ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.
ಮೊದಲನೇ ಅವಧಿಯ 15 ತಿಂಗಳ ಕಾಲ ಅಧ್ಯಕ್ಷರಾಗಿದ್ದ ವಿಜಯಲಕ್ಷಿö್ಮÃ ಇಲಕಲ್ ಅವರು ರಾಜೀನಾಮೆ ನೀಡಿದ್ದರು.ಒಟ್ಟು 14 ಸದಸ್ಯರ ಬಲ ಹೊಂದಿದ ಪ.ಪಂ.ನ ಮಹಿಳಾ ಮೀಸಲಾತಿಗೆ ನಾಲ್ವರು ಸದಸ್ಯರಿಗೆ ಅಧ್ಯಕ್ಷರಾಗುವ ಅರ್ಹತೆ ಇತ್ತು.ಆದರೆ ಶಾಸಕ ಸಿ.ಎಸ್.ನಾಡಗೌಡ , ಪ.ಪಂ ಮಾಜಿ ಅಧ್ಯಕ್ಷ,ಹಾಲಿ ಸದಸ್ಯ ಪೃಥ್ವಿರಾಜ್ ನಾಡಗೌಡ ಅವರ ನಿರ್ದೇಶನದಂತೆ ಗೊರಬಾಳ ಅವರನ್ನು ಹೊರತುಪಡಿಸಿ ಬೇರೆ ಯಾರೂ ನಾಮಪತ್ರ ಸಲ್ಲಿಸಲಿಲ್ಲ.ಅಧ್ಯಕ್ಷ ಸ್ಥಾನಕ್ಕೆ ಒಬ್ಬರೇ ನಾಮಪತ್ರ ಸಲ್ಲಿಸಿದ ಹಿನ್ನೆಲೆಯಲ್ಲಿ ಅಧಿಕಾರ ಒಪ್ಪಂದ ಸೂತ್ರದಂತೆ ಲಲಿತಾ ಗೊರೆಬಾಳ ಅವರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ ಎಂದು ಪ್ರಭಾರ ತಹಶೀಲ್ದಾರ್,ಚುನಾವಣಾಧಿಕಾರಿ ಎ.ಡಿ.ಅಮರವಾಡಗಿ ಘೋಷಿಸಿದರು.
ವಿಜಯೋತ್ಸವ:
ಪ.ಪಂ ಅಧ್ಯಕ್ಷರಾಗಿ ಲಲಿತಾ ಗೊರಬಾಳ ಅವರು ಅವಿರೋಧವಾಗಿ ಆಯ್ಕೆಯಾಗುತ್ತಿದ್ದಂತೆ ಪಂಚಾಯತಿಯ ಎದುರಿಗೆ ಅಭಿಮಾನಿಗಳು ಸಿಹಿ ಹಂಚಿ ಪಟಾಕಿ ಸಿಡಿಸಿ ವಿಜಯೋತ್ಸವ ಆಚರಿಸಿದರು.ಪ.ಪಂ ಮಾಜಿ ಅಧ್ಯಕ್ಷ ಹಾಲಿ ಸದಸ್ಯ ಪೃಥ್ವಿರಾಜ್ ನಾಡಗೌಡ, ಮಾಜಿ ಅಧ್ಯಕ್ಷೆ ವಿಜಯಲಕ್ಷಿö್ಮÃ ಇಲಕಲ್, ಉಪಾಧ್ಯಕ್ಷ ಬಸವರಾಜ ಗಂಗನಗೌಡ್ರ, ಸದಸ್ಯರಾದ ಜಗದೀಶ ಡೇರೇದ, ಡಾ.ಎಸ್.ಬಿ.ಗಂಗನಗೌಡ್ರ, ಅಮರಪ್ಪ ಬಾರಡ್ಡಿ, ಬಾಬು ಕ್ಷತ್ರಿ, ರಮೇಶ ಆಲಕೊಪ್ಪರ, ಶಿವಪುತ್ರಪ್ಪ ಗುರಿಕಾರ, ಅಮರಪ್ಪ ಸೀರಿ, ಬಸೀರಾಬೇಗಂ ಮೂಲಿಮನಿ, ಯಮನವ್ವ ಗೌಂಡಿ, ರಾಜಬಿ ನಾಡದಾಳ, ನೀಲಪ್ಪ ಸಿದ್ದಾಪೂರ, ರುದ್ರಗಂಟಿ, ಪ.ಪಂ ಸಿಓ ಈರಣ್ಣ ಕೊಣ್ಣೂರ, ಮುತ್ತುಗೌಡ ಗೊರಬಾಳ, ವಿದ್ಯಾ ಗೊರಬಾಳ ಹಾಗೂ ಸಹಾಯಕ ಚುನಾವಾಧಿಕಾರಿಯಾಗಿದ್ದ ಉಪ ತಹಶೀಲ್ದಾರ ನಿಂಗಪ್ಪ ದೊರೆ, ಕಂದಾಯ ನಿರೀಕ್ಷಕ ವೆಂಕಟೇಶ ಅಂಬಿಗೇರ, ಗ್ರಾಮ ಆಡಳಿತಾಧಿಕಾರಿ ಸಚಿನ್ ಗೌಡರ, ಮಹೇಶ ಪಾಟೀಲ, ರವಿ ಮಡಿವಾಳರ, ಕಾರ್ತಿಕ ಪತ್ತಾರ, ಮುತ್ತಣ್ಣ ತಳವಾರ, ಮೈಬೂಬ ನಾಡದಾಳ ಇದ್ದರು.
ಪೋಲಿಸ್ ಬಂದೋಬಸ್ತ: ಚುನಾವಣಾ ವೇಳೆ ಮುಂಜಾಗ್ರತಾ ಕ್ರಮವಾಗಿ ಪೊಲೀಸ ಬಿಗಿ ಬಂದೋಬಸ್ತ್ ಕೈಗೊಳ್ಳಲಾಗಿತ್ತು. ಎಎಸ್ಐ ಎ.ವೈ.ಸಾಲಿ, ಪುಂಡಲೀಕ ಲಮಾಣಿ, ಶಾಂತಗೌಡ ಬನ್ನಟ್ಟಿ, ಎಚ್.ಹೆಬ್ಬುಲಿ, ಬಸವರಾಜ ಹಿಪ್ಪರಗಿ, ಬಸವರಾಜ ಚಿಂಚೊಳ್ಳಿ ಭದ್ರತೆ ವಹಿಸಿದ್ದರು.
