ಮುದ್ದೇಬಿಹಾಳ : ತಾಲ್ಲೂಕಿನ ನಾಗರಬೆಟ್ಟ ಆಕ್ಸಫರ್ಡ್ ಪಾಟೀಲ್ಸ್ ಪಿಯು ಸೈನ್ಸ್ ಕಾಲೇಜಿನ ವಿದ್ಯಾರ್ಥಿಯೊಬ್ಬರು ನೀಟ್ ಪರೀಕ್ಷೆಯಲ್ಲಿ ಉತ್ತರ ಕರ್ನಾಟಕದಲ್ಲೇ ಅತೀ ಹೆಚ್ಚು ಅಂಕ ಗಳಿಸಿದ ಕೀರ್ತಿಗೆ ಭಾಜನವಾಗಿದ್ದಾರೆ.

ಆಕಾಶ ಜಾಧವಗೆ 604 ಅಂಕ ಬಂದಿದ್ದು ಪ್ರಥಮ,ಇನ್ನುಳಿದ 14 ಜನ ವಿದ್ಯಾರ್ಥಿಗಳು 500ಕ್ಕೂ ಅಧಿಕ ಅಂಕ ಗಳಿಸಿದ್ದಾರೆ.ಅಮೃತ್ ಹಡಗಲಿ(588), ಆದಿತ್ಯಾ ಬಿರಾದಾರ(576), ಶ್ರೇಯಸ್ ಮದ್ದರಕಿ(572), ವಿಶ್ವನಾಥ ಸಜ್ಜನ(569), ಸಂಪತ್ತಕುಮಾರ ಹುಗ್ಗಿ(569), ಪ್ರಾಂಜಲ ಕಸಬೇಗೌಡರ(561), ಹೊನ್ನಾಲಿಂಗ ಸಾಲೋಟಗಿ(555), ಸಮರ್ಥ ಇಂಗಳೇಶ್ವರ(555), ಸದಾಶಿವ ಹಡಗಲಿ(553), ಸಂಜಯ ನಾಗರಾಳ(547), ವೆಂಕನಗೌಡ ಪಾಟೀಲ(547), ಸಿಂಧು ಪಾಟೀಲ(547), ಸಿದ್ದನಗೌಡ ಏವೂರ(539), ಶರತ್ ಜೋಗಿ(538) ಅಂಕಗಳನ್ನು ಪಡೆದುಕೊಂಡಿದ್ದಾರೆ.

ಈ ಬಾರಿಯೂ ಆಕ್ಸಫರ್ಡ್ ಕಾಲೇಜಿನಿಂದ 170ಕ್ಕೂ ಅಧಿಕ ವಿದ್ಯಾರ್ಥಿಗಳು ಮೆಡಿಕಲ್ ಸೀಟು ಪಡೆದುಕೊಳ್ಳುವುದು ಖಚಿತ ಎಂದು ಸಂಸ್ಥೆಯ ಚೇರಮನ್ ಎಂ.ಎಸ್.ಪಾಟೀಲ್, ಆಡಳಿತಾಧಿಕಾರಿ ಅಮಿತಗೌಡ ಪಾಟೀಲ್, ನಿರ್ದೇಶಕರಾದ ದರ್ಶನಗೌಡ ಪಾಟೀಲ ತಿಳಿಸಿದ್ದಾರೆ.