ಮುದ್ದೇಬಿಹಾಳ : ಈ ಆರ್ಥಿಕ ವರ್ಷದಲ್ಲಿ ಒಟ್ಟು 4.47 ಕೋಟಿ ರೂ.ಸಾಲ ರೈತರಿಗೆ ಹಂಚಿಕೆ ಮಾಡಲಾಗಿದ್ದು ಸಂಘವು ಒಟ್ಟು 9.49 ಲಕ್ಷ ರೂ.ಲಾಭ ಮಾಡಿದೆ ಎಂದು ಹಡಲಗೇರಿ ವಿವಿದೋದ್ಧೇಶಗಳ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರ ಸಂಘದ ಅಧ್ಯಕ್ಷ ಸಂಗಪ್ಪ ಸಿ.ಮುದ್ನಾಳ ಹೇಳಿದರು.
ತಾಲ್ಲೂಕಿನ ಹಡಲಗೇರಿಯಲ್ಲಿ ಸೋಮವಾರ ವಿವಿದೋದ್ಧೇಶ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರ ಸಂಘ ನಿಯಮಿತದ 15 ನೇ ವಾರ್ಷಿಕ ಮಹಾಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.
ರೈತರು ಪಡೆದುಕೊಂಡ ಸಾಲವನ್ನು ಸಕಾಲಕ್ಕೆ ಮರುಪಾವತಿ ಮಾಡಿದರೆ ಹೆಚ್ಚಿನ ಸಾಲ ಸೌಲಭ್ಯ ಒದಗಿಸಲು ಸಾಧ್ಯವಾಗುತ್ತದೆ ಎಂದು ಹೇಳಿದರು.ಸಂಘದ ನಿಕಟಪೂರ್ವ ಅಧ್ಯಕ್ಷ ಭೀಮಣ್ಣ ಮಳಗೌಡರ ಮಾತನಾಡಿದರು.
ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಸಂಗಣ್ಣ ಮುದ್ನಾಳ ಮಾತನಾಡಿ, ಪ್ರಸಕ್ತ ವರ್ಷದಲ್ಲಿ ಸಂಘದ ನಿಧಿ 48.14 ಲಕ್ಷ ರೂ., ಠೇವು 218.48 ಲಕ್ಷ ರೂ. ಸಂಘದಿAದ ಪಡೆದ ಸಾಲ 447.05 ಲಕ್ಷ ರೂ. ಹೂಡಿಕೆ 637.04 ಲಕ್ಷ ರೂ.ಇರುತ್ತದೆ ಎಂದು ಮಾಹಿತಿ ನೀಡಿದರು.
ಕಾರ್ಯಕ್ರಮದಲ್ಲಿ ಸಂಘದ ಶೇರು ಸದಸ್ಯರ ಮಕ್ಕಳಿಗೆ ಎಸ್.ಎಸ್.ಎಲ್.ಸಿ ಹಾಗೂ ಪಿಯುಸಿಯಲ್ಲಿ ಹೆಚ್ಚು ಅಂಕಗಳನ್ನು ಪಡೆದ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ನೀಡಿ ಗೌರವಿಸಲಾಯಿತು.
ಸಭೆಯಲ್ಲಿ ಸಂಘದ ಆಡಳಿತ ಮಂಡಳಿಯ ಉಪಾಧ್ಯಕ್ಷ ಶಿವಬಸಪ್ಪ ಇಟಗಿ, ನಿರ್ದೇಶಕರುಗಳಾದ ಬಸಪ್ಪ ಹರಿಂದ್ರಾಳ, ಶಿವಾಜಿ ಚವ್ಹಾಣ, ಅಡಿವೆಪ್ಪ ಮುದ್ನಾಳ, ನಿಂಗಪ್ಪ ಹರನಾಳ, ಪರಸಪ್ಪ ತಳವಾರ, ಸಿದ್ದಪ್ಪ ಚಲವಾದಿ,ರೇಣುಕಾ ಮಳಗೌಡರ, ಶಿವುಬಾಯಿ ಜಾರೆಡ್ಡಿ,ಬಸವರಾಜ ನಾಡಗೌಡರ, ಹೂಳೆಪ್ಪ ಗಂಜಿಹಾಳ, ಕ್ಷೇತ್ರಾಧಿಕಾರಿ ಎನ್.ಸಿ.ಸಾಸನೂರ, ಸಿಬ್ಬಂದಿ ಚಂದ್ರಕಲಾ ಕುಲಕರ್ಣಿ, ಬೀರಪ್ಪ ವಾಲಿಕಾರ ಹಾಗೂ ಹಡಲಗೇರಿ, ಮುದ್ನಾಳ,ಮುದ್ನಾಳ ಎಲ್ ಟಿ. ಯ ಸಂಘದ ಸದಸ್ಯರು ಭಾಗವಹಿಸಿದ್ದರು.ಶಿಕ್ಷಕ ಎಂ.ಎ.ತಳ್ಳಿಕೇರಿ ನಿರೂಪಿಸಿದರು.ಸಿದ್ಧಣ್ಣ ಚಲವಾದಿ ವಂದಿಸಿದರು.
