ಇಳಕಲ್: ನಗರದ ಜೋಶಿ ಗಲ್ಲಿಯ ರಾಷ್ಟ್ರೀಯ ಹೆದ್ದಾರಿ ಐವತ್ತಕ್ಕೆ ಹೊಂದಿಕೊಂಡಂತೆ ಇರುವ ಸಾರ್ವಜನಿಕ ಉದ್ಯಾನವನದಲ್ಲಿ ಇಳಕಲ್ ಲೈನ್ಸ್ ಕ್ಲಬ್ ನ ಸದಸ್ಯರು ಸಸಿ ನೆಡುವ ಮೂಲಕ ವನಮಹೋತ್ಸವದಲ್ಲಿ ಪಾಲ್ಗೊಂಡರು.
ರಾಷ್ಟ್ರೀಯ ಹೆದ್ದಾರಿಗೆ ಹೊಂದಿಕೊಂಡಂತೆ ಇರುವ ಈ ಉದ್ಯಾನವನ ನಗರಕ್ಕೆ ಆಗಮಿಸುವ ಜನರನ್ನು ಆಕರ್ಷಿಸುವಂತೆ ಮಾಡುವ ನಿಟ್ಟಿನಲ್ಲಿ ಈ ಉದ್ಯಾನವನವನ್ನು ಸುಂದರವಾಗಿ ಮಾಡುವ ಉದ್ದೇಶ ಹೊಂದಿದ್ದೇವೆ ಎಂದು ಲೈನ್ಸ್ ಕ್ಲಬ್ ಅಧ್ಯಕ್ಷ ಮಹಾಬಲೇಶ್ ಮಠದ ಅವರು ತಿಳಿಸಿದರು.
ಲೈನ್ಸ್ ಕ್ಲಬ್ ನ ನಿಕಟಪೂರ್ವ ಅಧ್ಯಕ್ಷ ರಾಜು ಕಾಟವಾ ಮಾತನಾಡಿ, ಉದ್ಯಾನವನದ ಸುತ್ತಮುತ್ತಲಿ ವಾಸವಿರುವ ನಿವಾಸಿಗಳು ತಮ್ಮ ಮಕ್ಕಳನ್ನು ಪಾಲನೆ ಪೋಷಣೆ ಮಾಡುವಂತೆ ಈ ಸಸಿಗಳನ್ನು ಬೆಳೆಸುವಲ್ಲಿ ಕಾಳಜಿ ವಹಿಸಬೇಕು ಎಂದು ಅಲ್ಲಿಯ ನಿವಾಸಿಗಳಿಗೆ ಕರೆ ನೀಡಿದರು.
ಈ ವನಮಹೋತ್ಸವ ಕಾರ್ಯಕ್ರಮದಲ್ಲಿ ಜೋಶಿಗಲ್ಲಿ ಬಡಾವಣೆಯ ನಗರಸಭೆ ಸದಸ್ಯ ಮೌನೇಶ್ ಬಂಡಿವಡ್ಡರ್ ಪಾಲ್ಗೊಂಡಿದ್ದರು ಈ ವೇಳೆ ಹಾಗೂ ಬಡಾವಣೆಯ ನಿವಾಸಿಗಳ ಪರವಾಗಿ ಗೌರವಿಸಲಾಯಿತು.
ಈ ಸಂದರ್ಭದಲ್ಲಿ ಲೈನ್ಸ್ ಕ್ಲಬ್ ಅಧ್ಯಕ್ಷ ಮಹಾಬಲೇಶ್ ಮಾರಟದ, ಕಾರ್ಯದರ್ಶಿ ಮಹಾಂತೇಶ್ ಅಕ್ಕಿ, ಖಜಾಂಚಿ ಮುರುಗೇಶ್ ಪಾಟೀಲ್, ರಾಜಕುಮಾರ ಕಾಟವಾ, ಸಂತೋಷ್ ಪೂಜರಿ, ಡಾ. ವಿಠ್ಠಲ್ ಶಾವಿ, ಡಾ. ನಾಗರಾಜ ಸಜ್ಜನ್, ಪ್ರಮೋದ್ ಹಂಚಾಟೆ, ರವಿ ಅಂಗಡಿ, ವಿಶಾಲ್ ಜೈನ, ಲಾಲಬಾಷಾ ಶಿವನಗುತ್ತಿ, ಅಪ್ಪು ಹಿರೇಮಠ, ಬಸವರಾಜ ಮಠದ, ಡಾ. ಟಿಪ್ಪು ಭಂಡಾರಿ ಸೇರಿದಂತೆ ಬಡಾವಣೆ ನಿವಾಸಿಗಳಾದ ಆರ್.ಕೆ. ಕುಲಕರ್ಣಿ ಹಾಗೂ ಲೈನ್ಸ್ ಕ್ಲಬ್ ನ ಸದಸ್ಯರು ಉಪಸ್ಥಿತರಿದ್ದರು.
