ಮುದ್ದೇಬಿಹಾಳ : ಸಾಹಿತ್ಯ ಚಟುವಟಿಕೆಗಳನ್ನು ಕೈಗೊಳ್ಳಲು ಪಟ್ಟಣದ ಆಲಮಟ್ಟಿ ರಸ್ತೆಯ ಬಳಿ ಇರುವ ಸಾಯಿಮಂದಿರ ಸಮೀಪದಲ್ಲಿರುವ ಢವಳಗಿ ಲೇಔಟ್ ಬಳಿ ಇರುವ ಸಾರ್ವಜನಿಕ ಉದ್ಯಾನವನದಲ್ಲಿ ಕನ್ನಡ ಸಾಹಿತ್ಯ ಭವನ ನಿರ್ಮಾಣಕ್ಕೆ ಸ್ಥಳ ಗುರುತಿಸಲಾಗಿದೆ ಎಂದು ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷ ಕಾಮರಾಜ ಬಿರಾದಾರ ಹೇಳಿದರು.
ಪಟ್ಟಣದ ಆಲಮಟ್ಟಿ ರಸ್ತೆಯ ಸಾಯಿ ಮಂದಿರದ ಹತ್ತಿರ ಇರುವ ಢವಳಗಿ ಲೇಔಟ್‌ಬಳಿ ಸಾರ್ವಜನಿಕ ಉದ್ಯಾನವನದಲ್ಲಿ ನಿಗದಿ ಮಾಡಿದ ಸ್ಥಳದಲ್ಲಿ ಭಾನುವಾರ ನಿಯೋಜಿತ ಕನ್ನಡ ಸಾಹಿತ್ಯ ಭವನ ನಿರ್ಮಾಣಕ್ಕೆ ಸಾಂಕೇತಿಕ ಪೂಜೆ ಸಲ್ಲಿಸಿ ಅವರು ಮಾತನಾಡಿದರು.
ಕನ್ನಡ ಭವನಕ್ಕೆ ಜಾಗೆ ಗುರುತಿಸುವುದಾಗಿ ನಾನು ಈ ಹಿಂದೆ ಮಾತು ಕೊಟ್ಟಿದ್ದೆ.ಅದರಂತೆ ಈಗ ಸ್ಥಳ ಗುರುತಿಸಲಾಗಿದೆ.ಶಾಸಕರು,ದಾನಿಗಳ ನೆರವಿನಿಂದ ಮುಂದಿನ ಕಾರ್ಯ ಮಾಡಲು ತೀರ್ಮಾನಿಸಿದ್ದೇವೆ ಎಂದರು.
ಹಿರಿಯ ಸಾಹಿತಿ ಬಿ.ಎಂ.ಹಿರೇಮಠ,ನಿವೃತ್ತ ನೌಕರರ ಸಂಘದ ಅಧ್ಯಕ್ಷ ಅಶೋಕ ಮಣಿ,ಕಸಾಪ ಮಾಜಿ ಅಧ್ಯಕ್ಷ ಎಂ.ಬಿ.ನಾವದಗಿ,ವಾಯ್.ಎಚ್.ವಿಜಯಕರ್,ಪತ್ರಕರ್ತ ಶಂಕರ ಹೆಬ್ಬಾಳ ಮಾತನಾಡಿ, ಶಾಸಕರ ಅಧ್ಯಕ್ಷತೆಯಲ್ಲಿ ಇನ್ನೊಂದು ಸುತ್ತಿನ ಸಭೆ ನಡೆಸಿ ಭವನದ ನಿರ್ಮಾಣಕ್ಕೆ ದಾನಿಗಳ ಸಹಕಾರ ಕೋರಲು ತಿಳಿಸಿದರು.ಈ ಸಂದರ್ಭದಲ್ಲಿ ಅಸ್ಕಿ ಫೌಂಡೇಶನ್ ಅಧ್ಯಕ್ಷ ಸಿ.ಬಿ.ಅಸ್ಕಿ,ಪಂಚಮಸಾಲಿ ಸಮಾಜದ ಅಧ್ಯಕ್ಷ ಅಮರೇಶ ಗೂಳಿ,ಹಿರಿಯ ಸಾಹಿತಿ ಅಬ್ದುಲರಹೆಮಾನ್ ಬಿದರಕುಂದಿ,ಶಿವಪುತ್ರಪ್ಪ ಅಜಮನಿ,ಚಂದ್ರು ಕಲಾಲ,ಹುಸೇನ್ ಮುಲ್ಲಾ,ಸಂಗಮೇಶ ಶಿವಣಗಿ,ಮೊಹ್ಮದರಫೀಕ ಶಿರೋಳ,ಕಿರಣ ಪಾಟೀಲ,ಪ್ರಕಾಶ ನರಗುಂದ,ಮಹಾAತೇಶ ಬೂದಿಹಾಳಮಠ,ಪ್ರಭುಗೌಡ ರಾರೆಡ್ಡಿ,ಸಂಗಯ್ಯ ಸಾರಂಗಮಠ,ಸಿದ್ದನಗೌಡ ಬಿಜ್ಜೂರ,ಉಮೇಶ ಕಡಿ,ಎಚ್.ಆರ್.ಬಾಗವಾನ,ಸಂಗಣ್ಣ ಮೇಲಿನಮನಿ,ಚೈತನ್ಯ ಮುದ್ದೇಬಿಹಾಳ ಮೊದಲಾದವರು ಇದ್ದರು.
