ವಿಜಯಪುರ : ಯಾವುದೇ ಕಾರ್ಖಾನೆ ದರ ನಿಗದಿಪಡಿಸದೇ ಚಾಲನೆ ಮಾಡಬಾರದು ಎಂದು ಕಬ್ಬು ಬೆಳಗಾರರ ಬೇಡಿಕೆಯಂತೆ ದರ ಘೋಷಣೆ ಮಾಡಿದ ನಂತರವೇ ಕಾರ್ಖಾನೆ ಆರಂಭಿಸಲು ಸೂಚನೆ ನೀಡಿದ್ದೇವೆ ಎಂದು ವಿಜಯಪುರ ಜಿಲ್ಲಾಧಿಕಾರಿ ಡಾ.ಆನಂದ ಕೆ ತಿಳಿಸಿದ್ದಾರೆ.
ಕಬ್ಬಿಗೆ ದರ ಹೆಚ್ಚಿಸಬೇಕು ಎಂದು ಆಗ್ರಹಿಸಿ ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ ನೇತೃತ್ವದಲ್ಲಿ ಜಿಲ್ಲೆಯ ನಿಡಗುಂದಿ ತಾಲ್ಲೂಕಿನ ಯಲಗೂರ್ ಕ್ರಾಸ್ ಬಳಿ ಎನ್.ಎಚ್-50ನ್ನು ಬಂದ್ ಮಾಡಿ ಪ್ರತಿಭಟಿಸುತ್ತಿದ್ದ ಸ್ಥಳಕ್ಕೆ ಭೇಟಿ ನೀಡಿದ ಜಿಲ್ಲಾಧಿಕಾರಿ ಮಾತನಾಡಿ ಈ ವಿಷಯ ತಿಳಿಸಿದರು.
ಕಬ್ಬು ಬೆಳಗಾರರೊಂದಿಗೆ ಜಿಲ್ಲೆಯಲ್ಲಿ ಸುದೀರ್ಘ ಸಭೆ ನಡೆಸಲಾಗಿದೆ.ಜಿಲ್ಲಾ ಹಂತದಲ್ಲಿ ಸಮಸ್ಯೆಗಳನ್ನು ಸರಿಪಡಿಸುವ ನಿಟ್ಟಿನಲ್ಲಿ ಪ್ರತಿ ಕಾರ್ಖಾನೆವಾರು ಪ್ರತ್ಯೇಕ ಸಮೀತಿ ಮಾಡಲಾಗಿದೆ.ತೂಕದ ವ್ಯತ್ಯಾಸ ಗಮನಿಸಲು ತಲಾ ಮೂರು ಜನರನ್ನು ಸಮೀತಿಯನ್ನು ರಚನೆ ಮಾಡಲಾಗಿದೆ.ಇಳುವರಿ ಮೋಸ ಆಗಬಾರದು ಎಂದು ಸಮೀತಿ ರಚಿಸಲಾಗಿದೆ ಎಂದು ತಿಳಿಸಿದರು.
ಎಫ್.ಆರ್.ಪಿ,ಎಂ.ಎಸ್.ಪಿ,ಇಥೇನಾಲ್ ಖರೀದಿ ಕುರಿತು ಸರ್ಕಾರದ ಮಟ್ಟದಲ್ಲಿ ಆಗುವಂತದ್ದಾಗಿದೆ. ಪಾರದರ್ಶಕವಾಗಿ ರೈತರ ವಿಚಾರದಲ್ಲಿ ಕಾರ್ಖಾನೆ ನಡೆಸಬೇಕು ಎಂದು ತಿಳಿಸಲಾಗಿದೆ.ಜಿಲ್ಲೆಯಲ್ಲಿ ಯಲಗೂರ ಕ್ರಾಸ್ ಹಾಗೂ ಸಿಂದಗಿ-ಗಬಸಾವಳಗಿ ಬಳಿ ಹೆದ್ದಾರಿ ತಡೆದು ಪ್ರತಿಭಟನೆ ನಡೆಸಲಾಗುತ್ತಿದ್ದು ಎಲ್ಲರಿಗೂ ಸಮಸ್ಯೆ ಆಗುತ್ತಿದೆ.ಕೂಡಲೇ ರೈತರು ತಮ್ಮ ಧರಣಿ ಹೆದ್ದಾರಿಯಿಂದ ತೆರವುಗೊಳಿಸಬೇಕು ಎಂದು ಡಿಸಿ ಮನವಿ ಮಾಡಿದರು.ಇದಕ್ಕೆ ಸ್ಪಂದಿಸಿದ ರೈತರು ರಾಜ್ಯ ಸಂಘದ ಮುಂದಿನ ಸೂಚನೆಯಂತೆ ಹೋರಾಟ ಹಮ್ಮಿಕೊಳ್ಳುವುದಾಗಿ ತಿಳಿಸಿ ಧರಣಿ ಅಂತ್ಯಗೊಳಿಸಿದ್ದಾರೆ.
ಎಸ್ಪಿ ಲಕ್ಷö್ಮಣ ನಿಂಬರಗಿ,ಸAಘದ ರಾಜ್ಯ ಉಪಾಧ್ಯಕ್ಷ ಶಾಂತಗೌಡ ಪಾಟೀಲ,ಜಿಲ್ಲಾಧ್ಯಕ್ಷ ಸಂಗಮೇಶ ಸಗರ ಸೇರಿದಂತೆ ಸಾವಿರಾರು ರೈತರು ಇದ್ದರು. ಅಹೋರಾತ್ರಿ ಧರಣಿ ನಡೆಸಲು ಮುಂದಾದ ರೈತರ ನಿರ್ಧಾರಕ್ಕೆ ತೀವ್ರ ವಿರೋಧ ವ್ಯಕ್ತಪಡಿಸಿದ ಜಿಲ್ಲಾಡಳಿತದ ಅಧಿಕಾರಿಗಳು ಧರಣಿ ಹೆದ್ದಾರಿಯಿಂದ ತೆರವುಗೊಳಿಸುವುದಕ್ಕೆ ಸೂಚಿಸಿದರು. ಇಡೀ ದಿನ ಹೆದ್ದಾರಿ ಬಂದ್ ಮಾಡಿದ್ದರಿಂದ ವಿಜಯಪುರದ ಕಸಬಾ ಟೋಲ್‌ವರೆಗೂ ವಾಹನಗಳು ನಿಂತುಕೊAಡಿದ್ದವು.ಇದರಿAದ ಲಕ್ಷಾಂತರ ಪ್ರಯಾಣಿಕರು,ಗೂಡ್ಸ್ ವಾಹನಗಳ ಚಾಲಕರು ತೊಂದರೆ ಅನುಭವಿಸಬೇಕಾಯಿತು.
