ವಿಜಯಪುರ : ಕಬ್ಬಿನ ಎಂ.ಎಸ್.ಪಿ ದರ ಹೆಚ್ಚಳ,ಕೇಂದ್ರ ಸರ್ಕಾರ ರಾಜ್ಯದಲ್ಲಿ ಉತ್ಪಾದನೆಯಾಗುವ ಎಥೇನಾಲ್‌ನ್ನು ಖರೀದಿಸುವುದು ಸೇರಿದಂತೆ ಹಲವು ಬೇಡಿಕೆಗಳನ್ನು ಈಡೇರಿಸುವಂತೆ ಆಗ್ರಹಿಸಿ ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ ಸಂಘಟನೆ ನೇತೃತ್ವದಲ್ಲಿ ಜಿಲ್ಲೆಯ ಯಲಗೂರ ಕ್ರಾಸ್ ಬಳಿ ರಾಷ್ಟ್ರೀಯ ಹೆದ್ದಾರಿ-50ನ್ನು ಬಂದ್ ಮಾಡಿ ಪ್ರತಿಭಟನೆ ನಡೆಸಿದರು.
ಬೆಳಗ್ಗೆ 8 ಗಂಟೆಯಿAದಲೇ ರಾಷ್ಟ್ರೀಯ ಹೆದ್ದಾರಿ ಬಂದ್ ಮಾಡಿದ್ದರಿಂದ ಕಿಲೋಮೀಟರ್‌ದವರೆಗೆ ಅಂತರಾಜ್ಯಗಳಿಗೆ ಸಂಚರಿಸುವ ವಾಹನಗಳು ರಸ್ತೆಯ ಪಕ್ಕದಲ್ಲಿ ನಿಂತಿದ್ದ ದೃಶ್ಯ ಕಂಡು ಬಂದಿತು.ವಿಜಯಪುರ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಲಕ್ಷö್ಮಣ ನಿಂಬರಗಿ,ಡಿವೈಎಸ್ಪಿ ಚಂದ್ರಕಾoತ ನಂದರೆಡ್ಡಿ ಅವರು ನಿಡಗುಂದಿಯಿoದ ಬಾಗಲಕೋಟೆಗೆ ತೆರಳುವ ವಾಹನಗಳಿಗೆ ಪರ್ಯಾಯ ಮಾರ್ಗವನ್ನು ಸೂಚಿಸಿದ್ದರು.ಅದರಂತೆ ಸಾರಿಗೆ ಬಸ್‌ಗಳು,ತುರ್ತು ಸಂದರ್ಭದಲ್ಲಿ ಸಂಚರಿಸುವ ಅಂಬ್ಯುಲೆನ್ಸ್,ಅಗ್ನಿಶಾಮಕ ಠಾಣೆ ಸೇರಿದಂತೆ ಹಲವು ಸೇವೆಗಳಿಗೆ ಯಾವುದೇ ಸಮಸ್ಯೆ ಆಗದಂತೆ ಪೊಲೀಸರು ನೋಡಿಕೊಂಡರು.
ಟ್ರಾö್ಯಕ್ಟರ್ ಟ್ರಾಲಿಯನ್ನೇ ವೇದಿಕೆ ಮಾಡಿಕೊಂಡ ರೈತರು: ಕಬ್ಬು ಬೆಳೆಗಾರರ ಪ್ರತಿಭಟನೆಗೆ ರಾಷ್ಟ್ರೀಯ ಹೆದ್ದಾರಿ ಮಧ್ಯೆದಲ್ಲಿಯೇ ಟೆಂಟ್ ಹಾಕಿ ರೈತರಿಗೆ ಕೂಡಲು ನೆರಳಿನ ವ್ಯವಸ್ಥೆ ಮಾಡಲಾಗಿತ್ತು.ಪ್ರತಿಭಟನಾ ಸಭೆಯನ್ನುದ್ದೇಶಿಸಿ ಮಾತನಾಡಿದ ಕರ್ನಾಟಕ ರಾಜ್ಯ ರೈತ ಸಂಘ,ಹಸಿರು ಸೇನೆ ರಾಜ್ಯ ಉಪಾಧ್ಯಕ್ಷ ಶಾಂತಗೌಡ ಪಾಟೀಲ್, ಕೇಂದ್ರ ಸಚಿವ ಪ್ರಹ್ಲಾದ್ ಜೋಷಿ ದೆಹಲಿಗೆ ರೈತ ಮುಖಂಡರನ್ನು ಕರೆಯಿಸಿ ಅವಮಾನಿಸಿದ್ದಾರೆ.ಯಾವುದೇ ತೀರ್ಮಾನ ಕೈಗೊಳ್ಳದೇ ಮತ್ತೆ ಸಮೀತಿ ರಚನೆ ಮಾಡುವ ನಾಟಕದ ಮಾತುಗಳನ್ನು ಹೇಳುತ್ತಿರುವುದು ಬೇಸರದ ವಿಷಯ.ರೈತರ ಕಷ್ಟದ ಬಗ್ಗೆ ಎಲ್ಲ ಪಕ್ಷಗಳ ಮುಖಂಡರು ಹಗುರವಾಗಿ ನಡೆದುಕೊಳ್ಳುತ್ತಿರುವುದು ಖಂಡನೀಯ ಎಂದು ಹೇಳಿದರು.
ಕಳೆದ ವಿಧಾನಸಭೆಯ ಅಧಿವೇಶನದಲ್ಲಿ ಕಬ್ಬು ಬೆಳೆಗಾರರ ಸಮಸ್ಯೆಗಳನ್ನು ಮಾತನಾಡುವ ಲಕ್ಷö್ಮಣ ಸವದಿ ಅವರು ತೂಕದಲ್ಲಿ ಹೇಗೆ ಮೋಸ ಮಾಡುತ್ತಿರುತ್ತಾರೆ ಎನ್ನುವುದನ್ನು ಹೇಳಿದ್ದರು.’ಶಾಸಕರು ಶಾಸಕರೇ, ಮಿನಿಸ್ಟ್ರು ಮಿನಿಸ್ಟ್ರೇ, ತೂಕದಲ್ಲಿ ನಾ ಹೆಂಗೆ ಹೊಡಿತೀನಿ, ನೀ ಹೆಂಗೆ ಹೊಡಿತೀನಿ ಅಂತ. ಅದು ಹೊಡೆದದ್ದು ಗೊತ್ತಾಗಲ್ಲ ಅಂತ. ನಮಗೆ ಹೆಂಗೆ ರಿಮೋಟ್ ಒತ್ತಿ ಟ್ವಿಕ್ ಅಂತ ತೂಕ ಕಮ್ಮಿ ಆಗ್ಬಿಡ್ತದ ಎಂದು ಹೇಳಿದ್ದನ್ನು ಶಾಂತಗೌಡ ನೆನಪಿಸಿದರು.
ಹಸಿರು ಟವಲ್ ಇತ್ತಪ್ಪ ರೈತರದ್ದು ಅಂದ್ರೆ ಅಧಿಕಾರಿಗಳು ಸೆಲ್ಯೂಟ್ ಹೊಡಿಬೇಕು, ಅಂತ ಆಡಳಿತ ಈ ದೇಶದಲ್ಲಿ ಬರಬೇಕು.ಈ ದೇಶದ ನಿಜವಾದ ಮಾಲೀಕರು ರೈತರು.ಶೇ. 80ರಷ್ಟು ರೈತರು ಇದ್ದೀವಿ. ಇವತ್ತು ತಹಶೀಲ್ದಾರ್ ಆಫೀಸ್‌ಗೆ ಹೋದ್ರೆ ಪ್ಯೂನ್ ನಿಂತಿರ್ತಾನೆ, ನೀವು ಹೋಗಿರ್ತೀರಿ ಸಾರ್ ಅದರ ಅಂದ್ರೆ ಏಯ್ ಹೊರಗನಡಿ ಹೊರಗನಡಿ ಅಂತಾನೆ. ಸಾಹೇಬ್ರು ಬಿಜಿಯಿದ್ದಾರೆ ಹೊರಗೆ ನಿಲ್ಲು ಅಂತಾನೆ, ನೀವು ಹೋಗಿ ಕೈ ಕಟ್ಕೊಂಡು ನಿಂತಿರ್ತೀರಿ. ಯಾಕೆ ಕೈ ಕಟ್ಕೊಂಡು ನಿಂತಿರ್ತೀರಿ ನೀವು ? ಒಬ್ಬ ರೈತ ತಹಶೀಲ್ದಾರ್ ಆಫೀಸ್ ಮುಂದೆ ನಿಂತರೆ, ಹೋದ್ರೆ ಕುರ್ಚಿಯಲ್ಲಿ ಕೂಡಿಸಿ ಒಂದು ಗ್ಲಾಸ್ ನೀರು ಕೊಟ್ಟು ಮಾತನಾಡಿಸುವಂತಹ ಆಡಳಿತ ಈ ದೇಶದಲ್ಲಿ ಬರಬೇಕು ಅಂದ್ರೆ ರೈತರು ಒಗ್ಗಟ್ಟಾಗಬೇಕು.ಇಲ್ಲದಿದ್ದರೆ ನಾವು ಗುಲಾಮರಾಗುತ್ತೇವೆ ಎಂದರು.
ತಾಳಿಕೋಟಿ ತಾಲ್ಲೂಕು ಪಡೇಕನೂರದ ರೈತ ಮುಖಂಡ ಸೋಮನಗೌಡ ಪಾಟೀಲ ಕೋಳೂರ ಮಾತನಾಡಿ, ಪ್ರಹ್ಲಾದ್ ಜೋಷಿ ಅವರು ಈಗಾಗಲೇ ಇರುವ ವರದಿಗಳ ಅನುಷ್ಠಾನದತ್ತ ಗಮನ ಹರಿಸಬೇಕೆ ಹೊರತು ಮತ್ತೆ ತಜ್ಞರನ್ನು ಸೇರಿಸಿ ಸಮೀತಿ ರಚಿಸುವೆ ಎಂದು ಹೇಳುವುದು ಹಾಸ್ಯಾಸ್ಪದ.ಕಬ್ಬು ಬೆಳಗಾರರು ಈ ಭಾಗದಲ್ಲಿ ಸಂಘಟಿತರಾಗಿದ್ದಾರೆ.ಕಬ್ಬಿಗೆ ನ್ಯಾಯಯುತ ಬೆಲೆ ಸಿಗುವವರೆಗೂ ಹೋರಾಟ ಮುಂದುವರೆಯಲಿದೆ ಎಂದರು. ಕೊಲ್ಹಾರ ದಿಗಂಬರೇಶ್ವರ ಮಠದ ಕಲ್ಲಿನಾಥ ದೇವರು, ಸಂಘದ ಜಿಲ್ಲಾಧ್ಯಕ್ಷ ಸಂಗಮೇಶ ಸಗರ,ನಿಡಗುಂದಿ ತಾಲ್ಲೂಕು ಅಧ್ಯಕ್ಷ ಸೀತಪ್ಪ ಗಣಿ, ತಾಳಿಕೋಟಿ ಮುಖಂಡ ದೇವರಾಜ ಗುಂಡಕನಾಳ,ರೈತ ಸಂಘದ ಅಧ್ಯಕ್ಷ ಬಾಲಪ್ಪಗೌಡ ಲಿಂಗದಳ್ಳಿ ಮೊದಲಾದವರು ರೈತರನ್ನುದ್ದೇಶಿಸಿ ಮಾತನಾಡಿದರು.
ಪ್ಯಾರಿ ಕಾರ್ಖಾನೆಯ ವಿರುದ್ಧ ಆಕ್ರೋಶ : ಪ್ಯಾರಿ ಕಾರ್ಖಾನೆಯವರು ರೈತರ ಕಬ್ಬನ್ನು ಎರಡು ಮೂರು ಟನ್ ಹೊಡಿಲಿಲ್ಲ ಅಂದ್ರೆ ಉಂಡಿದ್ದು ಆತನಿಗೆ ಕರಗೋದೇ ಇಲ್ಲ. ಬಹಳ ಜನ ರೈತರು ಕಾಟ ಮಾಡಿ ಹೋದ್ರೆ ಆ ಗಾಡಿ ಹೊರಗೆ ನಿಲ್ಲಿಸುತ್ತಾನೆ. ಕರ್ನಾಟಕ ರಾಜ್ಯ ರೈತ ಸಂಘ ಈ ಪ್ಯಾರಿ ಫ್ಯಾಕ್ಟರಿ ಮುಂದೆ ಕೂಡ ಒಂದು ವೇ ಬ್ರಿಡ್ಜ್ ಹಾಕ್ತದ, ಅದಕ್ಕೆ ದಯವಿಟ್ಟು ಈ ಭಾಗದ ರೈತರು ಎಲ್ಲಿದ್ದೀರಲ್ಲ ಆ ಟೋಲ್‌ನ ಬಾಜು ದಯವಿಟ್ಟು ಯಾರು ಜನ ರೈತರಿದ್ದೀರಲ್ಲ ನಿಮ್ಮ ಕೈ ಮುಗಿದು ಕೇಳ್ಕೊತಾ ಇದ್ದೀನಿ. ಸ್ವಲ್ಪ ಜಾಗ ಕೊಡಿ. ನಮಗೆ. 20 ಫುಟ್ ಅಗಲ ಒಂದು 30 ಫುಟ್ ಉದ್ದ ಒಂದು ಜಾಗ ಕೊಡಿ. ಒಂದು ವಾರದಲ್ಲಿ ಅಲ್ಲಿ ವೇ ಬ್ರಿಜ್ ಹಾಕುವ ಕೆಲಸ ಮಾಡುತ್ತೇವೆ ಎಂದು ಶಾಂತಗೌಡ ಪಾಟೀಲ ಹೇಳಿದರು.
