ಹುಬ್ಬಳ್ಳಿ: ಕೇಂದ್ರ ಸಚಿವ ಪ್ರಹ್ಲಾದ ಜೋಶಿಯಿಂದ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರ ಹೆಸರು ಕೆಡಿಸಿದ್ದಾರೆ ಎಂದು ಇಂಚಗೇರಿ ಮಠದ ಸ್ವಾಮೀಜಿಯೂ ಆದ ಕರ್ನಾಟಕ ರಾಜ್ಯ ರೈತ ಸಂಘದ ಗೌರವ ಅಧ್ಯಕ್ಷ ಶಶಿಕಾಂತ ಗುರೂಜಿ ವಾಗ್ದಾಳಿ ನಡೆಸಿದರು.

ಇಲ್ಲಿನ ರಾಣಿ ಚನ್ನಮ್ಮ ಸರ್ಕಲ್ ನಲ್ಲಿ ಕರ್ನಾಟಕ ರಾಜ್ಯ ರೈತ ಸಂಘದಿಂದ ಆಯೋಜಿಸಿರುವ ಪ್ರತಿಭಟನೆಯಲ್ಲಿ ಕಬ್ಬು ಬೆಳೆಗಾರರನ್ನು ಉದ್ದೇಶಿಸಿ ಅವರು ಮಾತನಾಡಿದ ಅವರು, ಇಲ್ಲಿ ಸೇರಿದ ಹೋರಾಟಗಾರರಲ್ಲಿ ಬಿಜೆಪಿಯ ಕಾರ್ಯಕರ್ತರೇ ಹೆಚ್ಚಾಗಿದ್ದಾರೆ ಎಂದರು.

ನಿ ಬಾಳ ಡ್ಯೊಂಗಿ ಅದಿ ಅಂಥ ಹೋರಾಟಕ್ಕ ಬಂದ ಬಿಜೆಪಿ ಕಾರ್ಯಕರ್ತರೇ ಹೇಳಿದ್ದಾರೆ‌. ಅಷ್ಟೆ ಅಲ್ಲ ವಟ್ಟ ಬಿಡಬ್ಯಾಡ್ರಿ ಅವನನ್ನ ಅಂಥನೂ ಹೇಳಿದ್ದಾರೆ ಎಂದು ಹರಿಹಾಯ್ದರು.

ಬಾರೋ ಇಲ್ಲಿ ಯಾಕೋ ದೆಹಲಿಗೆ ಓಡಿ ಹೋಗಿ? ಯಾರೋ ರೈತ ಸಂಘದವರ ಬಂದು ಮನವಿ ಕೊಟ್ಟಾರ ಅಂತಿಯಾ? ಕರ್ನಾಟಕ ರಾಜ್ಯ ರೈತ ಸಂಘವು ರಾಜ್ಯಾಧ್ಯಕ್ಷ ಚುನಪ್ಪ ಪೂಜಾರಿ ಅವರ ನೇತೃತ್ವದಲ್ಲಿ ಇಂಚಗೇರಿ ಮಠದ ಸನ್ಯಾಸಿಯಾದ ರೈತ ಸಂಘದ ಗೌರವಾಧ್ಯಕ್ಷ ಬಂದಿನಿ ಎಂದು ಎಚ್ಚರಿಸಿದರು.

ಮನವಿ ಕೊಡಲು ಬಂದಾಗ ಮೂರು ತಾಸು ಮನೆ ಹೊರಗ ರಸ್ತೆ ಮೇಲೆ ಮೂರುನೂರು ರೈತರೊಂದಿಗೆ ಕಾದಿನಿ. ಆ ಮೇಲೆ ಬಂದ ಮನವಿ ತಗೊಂಡಿ. ಈಗ ದೆಹಲಿ ನಿಯೋಗ ಹೋಗೋಣ ಅಂತ ನಾಟಕ ಮಾಡಬೇಡ. ಸಿದ್ಧಾರೂಢ ಸ್ವಾಮೀಜಿ ಮೇಲಾಣೆ ಅವನ ಮನೆಯಲ್ಲಿ ಚಹಾ ಕುಡಿಯಲು ಕರೆದರೂ ಒಳಗೆ ಹೋಗಿಲ್ಲ ಎಂದು ತಿವಿದರು.

ಸತ್ಯವಾಯ್ತು ಬಬಲಾದಿ ಭವಿಷ್ಯವಾಣಿ:
ಬಬಲಾದಿ ಸದಾಶಿವ ಮುತ್ಯಾ ಧಾರವಾಡಕ್ಕ ದಾರಿ ಆಗಲಿದೆ ಎಂದಿದ್ದರು. ಅದರಂತೆ ಈಗಾಗಲೇ 31 ಜಿಲ್ಲೆಯಿಂದ ರೈತರು ಬಂದಿದ್ದಾರೆ. ಅಷ್ಟೆ ಅಲ್ಲ ಮಹಾರಾಷ್ಟ್ರದಿಂದಲೂ ಅನ್ನದಾತರು ಬಂದು ಸೇರಿದ್ದಾರೆ. ಈ ಮೂಲಕ ಬಬಲಾದಿ ಭವಿಷ್ಯವಾಣಿ ಸತ್ಯವಾಗಿದೆ ಎಂದು ಹೇಳಿದರು.

ಎರಡು ಎಕರೆ ಹೊಲ ಮಾರಿದ ಚುನಪ್ಪ ಪೂಜಾರಿ:
ರೈತ ಸಂಘವನ್ನು ಗಟ್ಟಿ ಮಾಡಲು ಕರ್ನಾಟಕ ರಾಜ್ಯ ರೈತ ಸಂಘದ ಅಧ್ಯಕ್ಷ ಚುನಪ್ಪ ಪೂಜಾರಿ ತನ್ನ ಎರಡು ಎಕರೆ ಹೊಲ ಮಾರಿದ್ದಾನೆ ಎಂದು ತಿಳಿಸಿದರು.

ವಿದೇಶದಿಂದ ಸಕ್ಕರೆ ಆಮದು ಮಾಡಿಕೊಂಡು 52 ರೂಪಾಯಿಗೆ ಮಾರಿ ಎಂದು ಫ್ಯಾಕ್ಟರಿಯವರಿಗೆ ಹೇಳ್ಯಾಣ. ನಾವೇನು ಭಯೋತ್ಪಾದಕರಲ್ಲ. ಚೆನ್ನಮ್ಮನ ನಾಡಿಗೆ ರಾಯಣ್ಣಗೊಳ ಬಂದಿವಿ. ಬಾ ಬಂದು ರಾಯಣ್ಣಗೊಳಿಗೆ ಉತ್ತರ ಕೊಡು. ಇಲ್ಲ‌ ಅಂದ್ರೆ ಹೋರಾಟ ತೀವ್ರ ಗೊಳ್ಳಲಿದೆ. ಇಲ್ಲಿ ಬಂದು 60 ರೂಪಾಯಿ ಎಂಆರ್ಪಿ ಘೋಷಣೆ ಮಾಡು ಎಂದರು.