ಮುದ್ದೇಬಿಹಾಳ : ರಾಜ್ಯ ಬಿಜೆಪಿ ಕಾರ್ಯದರ್ಶಿಯಾದ ನಂತರ ಮುದ್ದೇಬಿಹಾಳ ಭಾಗದಲ್ಲಿ ಪ್ರವಾಸ ಕೈಗೊಂಡಿರುವ ಶರಣು ತಳ್ಳಿಕೇರಿ ಅವರನ್ನು ಅ.26 ರಂದು ಬಿಜೆಪಿ ಮಂಡಲದಿoದ ಕಾರ್ಯಕರ್ತರು ಅದ್ದೂರಿಯಾಗಿ ಸ್ವಾಗತಿಸುವ ಸಿದ್ಧತೆ ಮಾಡಿಕೊಂಡಿರುವುದಾಗಿ ಬಿಜೆಪಿ ಮಂಡಲ ಪ್ರಧಾನ ಕಾರ್ಯದರ್ಶಿ ಸಂಗಮೇಶ ಗುಂಡಕನಾಳ( ನಾಗೂರ) ಹೇಳಿದರು.
ಪಟ್ಟಣದ ಪ್ರವಾಸಿ ಮಂದಿರದಲ್ಲಿ ಶನಿವಾರ ಸುದ್ದಿಗೋಷ್ಠಿಯನ್ನುದ್ದೇಶಿಸಿ ಅವರು ಮಾತನಾಡಿದರು.ಅ.26 ರಂದು ಬೆಳಗ್ಗೆ 11 ಗಂಟೆಗೆ ಮುದ್ದೇಬಿಹಾಳ ನಗರಕ್ಕೆ ಆಗಮಿಸಲಿರುವ ರಾಜ್ಯ ಬಿಜೆಪಿ ಕಾರ್ಯದರ್ಶಿ ಶರಣು ತಳ್ಳಿಕೇರಿ ಅವರನ್ನು ಪಟ್ಟಣದ ತಂಗಡಗಿ ರಸ್ತೆಯ ಶ್ರೀ ಪಿಲೇಕಮ್ಮ ದೇವಾಲಯದಲ್ಲಿ ಸ್ವಾಗತಿಸಿ ಸನ್ಮಾನಿಸಲಾಗುವುದು.ಅಲ್ಲಿಂದ ಮುದ್ದೇಬಿಹಾಳ ಬಿಜೆಪಿ ಮಂಡಲದ ಮುಖಂಡರೂAದಿಗೆ ಕಾಲ್ನಡಿಗೆ ಮೂಲಕ ಬಸವೇಶ್ವರ ವೃತ್ತ ಮಾರ್ಗವಾಗಿ ಅಂಬೇಡ್ಕರ್ ವೃತ್ತದವರೆಗೆ ಪಾದಯಾತ್ರೆ ನಡೆಸಲಿದ್ದಾರೆ ಎಂದು ಹೇಳಿದರು.
ಪಕ್ಷದಿಂದ ಸುಮಾರು 500 ಕಾರ್ಯಕರ್ತರು ಮೆರವಣಿಗೆಯಲ್ಲಿ ಪಾಲ್ಗೊಳ್ಳಲಿದ್ದು ವಿವಿಧ ಕಲಾ ತಂಡಗಳ ಮೂಲಕ ಸ್ವಾಗತಿಸಲಾಗುತ್ತದೆ ಎಂದು ತಿಳಿಸಿದರು. ಖಾಸಗಿ ಕಾರ್ಯಕ್ರಮ ನಿಮಿತ್ತ ಮುದ್ದೇಬಿಹಾಳ ನಗರದ ಮಾರ್ಗದಿಂದ ದೇವರಹಿಪ್ಪರಗಿಗೆ ತಳ್ಳಿಕೇರಿ ತೆರಳಲಿದ್ದಾರೆ.ಅಂಬೇಡ್ಕರ್ ವೃತ್ತದಲ್ಲಿ ಪಕ್ಷದ ಮುಖಂಡರು ಹಾಗೂ ಕಾರ್ಯಕರ್ತರನ್ನುದ್ದೇಶಿಸಿ ಅವರು ಮಾತನಾಡುವರು ಎಂದು ತಿಳಿಸಿದರು.
ಬಿಜೆಪಿ ಮಹಿಳಾ ಮೋರ್ಚಾ ಅಧ್ಯಕ್ಷೆ ಸಂಗಮ್ಮ ಎಚ್.ದೇವರಳ್ಳಿ, ಮುಖಂಡ ಲಕ್ಷ್ಮಣ ಬಿಜ್ಜೂರ ಮಾತನಾಡಿ,ಮುದ್ದೇಬಿಹಾಳ ನಗರಕ್ಕೆ ಆಗಮಿಸಲಿರುವ ಬಿಜೆಪಿ ರಾಜ್ಯ ಕಾರ್ಯದರ್ಶಿ ಶರಣು ತಳ್ಳಿಕೇರಿ ಅವರನ್ನು ಮುದ್ದೇಬಿಹಾಳ ಮಂಡಲದ ವತಿಯಿಂದ ಅದ್ದೂರಿಯಾಗಿ ಬರ ಮಾಡಿಕೂಳ್ಳಲಾಗುತ್ತಿದೆ. ಹೆಚ್ಚಿನ ಸಂಖ್ಯೆಯಲ್ಲಿ ಪಕ್ಷದ ಮುಖಂಡರು, ವಿವಿಧ ಮೋರ್ಚಾದ ಪದಾಧಿಕಾರಿಗಳು ಭಾಗವಹಿಸಲು ವಿನಂತಿಸಲಾಗಿದೆ ಎಂದು ಹೇಳಿದರು. ಸುದ್ದಿಗೋಷ್ಠಿಯಲ್ಲಿ ಒಬಿಸಿ ಮೋರ್ಚಾ ಅಧ್ಯಕ್ಷ ವೈ.ಟಿ ಗೌಡರ,ಮುಖಂಡರಾದ ಶಂಕರಗೌಡ ಶಿವಣಗಿ, ವೈ.ಬಿ ನಾಯ್ಕೋಡಿ, ಪರಶುರಾಮ ಕೆಂಗುತ್ತಿ,ಸoಗಪ್ಪ ಬಿಸಲದಿನ್ನಿ,ಹುಲಗಪ್ಪ ಕಿಲಾರಹಟ್ಟಿ, ಸಂಗಣ್ಣ ಹತ್ತಿ,ನಾಗೇಶ ಕವಡಿಮಟ್ಟಿ, ವಿರೇಶ ಜೋಗಂಡಬಾವಿ,ಶಿವರಾಜಗೌಡ ಬಿರಾದಾರ, ರಾಮನಗೌಡ ಪಾಟೀಲ್, ಸಂತೋಷ ತಾಳಿಕೋಟೆ, ನರಸಮ್ಮ ಗುಬಚಿ,ಅಮರೇಶ ಕೂಡಲಗಿ, ಯಲ್ಲಾಲಿಂಗ ಕುರಿ ಮುಂತಾದವರು ಉಪಸ್ಥಿತರಿದ್ದರು.
ಹಿಂದುಳಿದ ವರ್ಗದವರಿಗೆ ಜಿಪಂ,ತಾಪo ಕ್ಷೇತ್ರ ವಿಂಗಡಣೆಯಲ್ಲಿ ಅನ್ಯಾಯ:
ಮುದ್ದೇಬಿಹಾಳ ಮತಕ್ಷೇತ್ರದ ಕೆಲವು ಜಿಲ್ಲಾ ಪಂಚಾಯಿತಿ,ತಾಲ್ಲೂಕು ಪಂಚಾಯಿತಿ ಕ್ಷೇತ್ರಗಳಲ್ಲಿ ಹಿಂದುಳಿದ ವರ್ಗದವರಿಗೆ ಅನ್ಯಾಯವಾಗುವಂತೆ ಮೀಸಲಾತಿ ಪ್ರಕಟಿಸಲಾಗಿದೆ.ಈಗಾಗಲೇ ಬಸರಕೋಡ ಭಾಗದಲ್ಲಿ ಆಕ್ಷೇಪಣೆಯನ್ನು ಆ ಭಾಗದ ನಾಯಕರು ಸಲ್ಲಿಸಿದ್ದಾರೆ.ಯರಝರಿ ಭಾಗದಲ್ಲೂ ನಾವು ಪ್ರಕಟಿತ ಮೀಸಲಾತಿಗೆ ಆಕ್ಷೇಪಣೆ ಸಲ್ಲಿಸುವುದಾಗಿ ಮುಖಂಡ ಸಂಗಮೇಶ ಗುಂಡಕನಾಳ ತಿಳಿಸಿದರು.
