ಮುದ್ದೇಬಿಹಾಳ : ಪಟ್ಟಣದ ಪುರಸಭೆ ವ್ಯಾಪ್ತಿಯಲ್ಲಿರುವ ಜಾಗೆಯಲ್ಲಿ ದೈನಂದಿನ ಸಂತೆ ಕರ ವಸೂಲಿಗಾಗಿ ಮಂಗಳವಾರ ನಡೆದ ಹರಾಜು ಪ್ರಕ್ರಿಯೆಯಲ್ಲಿ ಹಿಂದಿನ ವರ್ಷಕ್ಕಿಂತ ಅತೀ ಹೆಚ್ಚಿನ ಮೊತ್ತ ಬಿಡ್ ಆಗಿದೆ ಎಂದು ಪುರಸಭೆ ಮುಖ್ಯಾಧಿಕಾರಿ ಮಲ್ಲಿಕಾರ್ಜುನ ಬಿರಾದಾರ ಹೇಳಿದರು.
ಪಟ್ಟಣದ ಪುರಸಭೆಯಲ್ಲಿ ಮಂಗಳವಾರ ನಡೆದ ಸಂತೆ ಕರದ ಹರಾಜು ಪ್ರಕ್ರಿಯೆ ಬಳಿಕ ಸುದ್ದಿಗಾರರಿಗೆ ಅವರು ಮಾಹಿತಿ ನೀಡಿದರು.
ಸನ್ 2025-26 ರಲ್ಲಿ 9.02 ಲಕ್ಷ ರೂ.ಗಳಿಗೆ ಬಿಡ್ ಆಗಿತ್ತು.ಈ 2026-27ಕ್ಕೆ 15 ಲಕ್ಷ ರೂ.ಗಳಿಗೆ ಸಂತೆ ಕರ ಹರಾಜು ಎಂ.ಎ.ಮೋಮಿನ ಅವರಿಗೆ ಬಿಡ್ ಆಗಿದೆ ಎಂದು ತಿಳಿಸಿದರು.
ಮೋಮಿನ್ ಪ್ರತಿಸ್ಪರ್ಧಿಯಾಗಿ ಶಾಹೀದ್ ಪಠಾಣ ಅವರು 14.66 ಲಕ್ಷ ರೂ.ಗಳಿಗೆ ಬಿಡ್ ಕೂಗಿದರು.ಹರಾಜು ಪ್ರಕ್ರಿಯೆಲ್ಲಿ ಒಟ್ಟು 20 ಜನ ಬಿಡ್ದಾರರು ಭಾಗಿಯಾಗಿದ್ದರು ಎಂದು ತಿಳಿಸಿದರು.
ಕಂದಾಯ ಅಧಿಕಾರಿ ಎನ್.ಎಸ್.ಪಾಟೀಲ,ಸಿಬ್ಬಂದಿ ಶಮ್ಸುದ್ದೀನ ಮೂಲಿಮನಿ, ನಾಮನಿರ್ದೇಶಿತ ಸದಸ್ಯರಾದ ಹರೀಶ ಬೇವೂರ, ಅಶೋಕ ಪಾದಗಟ್ಟಿ, ಗೋಪಿ ಮಡಿವಾಳರ ಇದ್ದರು.
